०६ असार २०७५, काठमाडौं
नेपाल विज्ञान तथा प्रविधि प्रज्ञा प्रतिष्ठान (नाष्ट) ले गरेको अध्ययन अनुसार सर्वसाधारण जनताले दैनिक उपभोग गर्ने जारको पानीमा दिसामा पाईने जीवाणु (इकोलाई) भेटिएको छ ।
५० ब्राण्डका जारको पानी परीक्षण गरिएकोमा अधिकाशं करिब ७४ प्रतिशत पानीमा उक्त जीवाणु फेला परेको नाष्टका वरिष्ठ बैज्ञानिक अधिकृत भोजराज पन्तले जनाए । त्यसक्रममा इकोलाई सँगै कोलिफर्म पनि फेला परेको थियो ।
अधिकृत पन्तले भने,‘दैनिकजसो पानी उपभोग हुने स्थानहरु कलेज, स्कूल, होटल, सार्वजनिक स्थानमा राखिएका ५० ब्राण्डका पानी परीक्षण गर्दा अधिकांशमा सो जीवाणु फेला परेको हो । राष्ट्रिय खानेपानी मापदण्डअनुसार खानेपानीमा इकोलाई र कोलिफर्म शून्य हुनुपर्छ । नाष्टका अनुसार इकोलाईले हैजा हुन्छ ।
सिल भएका ब्रान्डबाट परीक्षण गर्दा अधिकांशमा जीवाणु फेला परेको थियो ।
