०६ असार २०७५, काठमाडौं
नेपाल कम्युनिष्ट पार्टी (नेकपा) ले एकताको लागि सातै प्रदेशसहित प्रवासको कार्यदल बनाए पनि तल्ला पार्टी कमिटीहरुको एकता प्रक्रियाले गति लिन सकेको छैन ।
कतिपय कार्यदलको बैठकसमेत बस्न सकेको छैन भने तीनवटा प्रदेश र प्रवास कार्यदलको मात्रै बैठक बसेको छ । सबै कार्यदलमा चार–चार सदस्य छन् ।
प्रदेश कार्यदललाई पार्टी र जनवर्गीय संगठनको प्रदेश कमिटी, जिल्ला कमिटीको तथ्यांक संकलन गरी केन्द्रीय सचिवालयमा बुझाउनुपर्ने जिम्मा छ ।
