०६ असार २०७५, काठमाडौं
समुह बी को दोस्रो खेल अन्तर्गत आज मोरक्कोले पोर्चुगलको सामना गर्दैछ । यी दुई टोलीबीचको खेल नेपाली समयानुसार साँझ ५: ४५ मा शुरु हुनेछ ।
विश्वकप २०१८ को पहिलो खेलमा पोर्चुगलले स्पेनसँग ३–३ को बराबरी खेल खेल्दै अंक बाँडेको थियो । समुह बी मा यी दुई टोलीलाई नै विश्वकपको दावेदार मानिदै आएको छ । यता मोरक्कोले समुह चरणको पहिलो खेलमा आत्मघाती गोलका कारण ईरानसँग १-० कोे पराजय भोगेको थियो ।
स्पेनसँगको खेलमा पोर्चुगलका क्याप्टेन क्रिस्टियानो रोनाल्डोले ह्याटिक गरेका थिए । आज हुने समुह बी को दोस्रो खेलमा पोर्चुगलले मोरक्कोलाई सजिलै हराउने दावी गरिएतापनि यसको निर्णय साँझ ५:४५ मा खेल शरु भए पश्चात मात्रै थाहा हुनेछ ।
