आजको ४ खेल कहाँ र क-कस्को बिच हुँदैछ

११ असार २०७५ काठमाडौ

रसियामा जारी विश्वकप फुटबलको २१ औं सस्करण रसियामा संचालन भइरहेको छ । समूह चरणको खेल अन्तर्गत आज भिन्दाभिन्दै ४ रंगशालामा ४ खेल हुँदैछ ।

नेपाली समयानुसार साँझ ७:४५ बजे दुई खेल हुँदैछ । volgograd Arena रंगशालामा हुने खेलमा साउदी अरब र इजिप्ट भिड्नेछन् । जुन खेलमा साउदीका मिडफिल्डर ७ नम्बरका सालमान अल फराज र इजिप्टका मिडफिल्डर ६ नम्बरका अज्मिड हेगाजीलाई विशेष रुपमा हेरिएको छ ।

त्यसै गरि साँझ ७:४५ मै अर्को खेल रसिया र उरुग्वेबिच हुँदैछ । Samara Arenal रंगशालामा हुने सो खेलमा रसियाका मिडफिल्डर ६ नम्बर खेलाडी डेनिस चरिसेभ र उरुग्वेका मिडफिल्डर ५ नम्बर खेलाडी कार्लोस सेञ्चेजलाई विशेष रुपमा हेरिएको छ ।

आज हुने दोस्रो खेल अन्तर्गत राती ११:४५ मा भिन्दाभिन्दै दुई रंगाशालामा दुई खेल हुँदैछ । एउटा खेल Kaliningrad रंगशालामा मोरक्को र स्पेनबिच हुँदैछ । यो खेलमा मोरक्कोका मिडफिल्डर ७ नम्बर हाकिम जियेच र स्पेनका मिडफिल्डर २१ नम्बरका डेभिड सिल्भा लाई मुख्य चाबीको रुपमा हेरिएको छ ।

त्यसैगरी ११:४५ मै हुने अर्को खेलमा पोर्चुगल र इरान भिड्दैछन् । Mordovia Arena रंगशालामा हुने उक्त खेलमा पोर्चुगलका फरवार्ड ७ नम्बर खेलाडी क्रिस्टियानो रोनाल्डो र इरानका गोलकिपर १ नम्बर खेलाडी अलिरिजा बेदरानमेन्डलाई विशेष चाबीको रुपमा हेरिएको छ ।

हेरौं आजको यी ४ खेलबाट कुन कुन राष्ट्रले बाजि मार्न सफल हुने हुन् ।