३१ औँ जन्मदिन नमनाएका मेसीलाई विश्वकपमा फेरी अर्काे मौका

१२ असार २०७५, काठमाडौं

आईतबार ३१ औँ जन्मदिन परे पनि मेसीले जन्मदिन मनाएनन् । उनी मंगलबार नाईजेरियाविरुद्धको खेलमा जित हात पार्दै आफ्नो क्षमता प्रमाणित गर्न चाहन्छन् ।

लियोनल मेसीले आफुलाई प्रमाणित गर्ने समय आएको छ ।

विश्वकपमा गोल गर्दै अर्जेन्टिनाको निराशाजनक प्रदर्शन भुलाएर टोलीलाई नकआउट चरणमा पुर्याउने जिम्मा मेसीकै काधमा रहेको छ । विश्वकै उत्कृष्ट स्ट्राईकर भए पनि आफ्नो राष्ट्रको लागि स्तरअनुसार प्रदर्शन गर्न नसकेको आरोप उनलाई लाग्दै आईरहेको छ ।

अर्जेन्टिनामाथि नाइजेरियाले विजयी नतिजा वा बराबरी मात्र खेलेपनि अन्तिम १६ अघिल्लो चरण प्रवेशको ढोका खुल्नेछ । तर, त्यसका लागि समुहकै अर्को खेलमा क्रोएसियाले आईस्ल्यान्डलाई पराजित गर्नुपर्नेछ ।

आईस्ल्यान्डको पक्षमा नतिजा आएमा नाईजेरियाले गोलअन्तरमा निर्भर हुनुपर्नेछ ।