१२ असार २०७५, काठमाडौं
रसिएन विश्वकपमा आइतबार राती भएको समूह ए का दुई राष्ट्र साउदी अरब र इजिप्टबिचको खेलमा साउदीले १ को विरुद्ध २ गोल गर्दै पहिलो जित हाँसिल गरेको छ ।
समूह चरणको पहिलो खेलमा रसियाद्वारा पराजित भएको साउदी समुह चरणको दोस्रो खेलमा पनि स्पेनसँग पराजित भएको थियो । २ खेलमा पराजित भएको साउदीले इजिप्टलाई जिते पनि अन्तिम १६ मा पर्ने सम्भावना भने थिएन ।
इजिप्टका फरवार्ड सलाहले २२ मिनेटमा पहिलो गोल गर्दै टिमलाई अग्रता दिलाएका थिए भने ४५+६ मिनेटमा साउदीका मिडफिल्डर अल फराजले गोल गर्दै बराबरी बनाएका थिए ।
दोस्रो हाफको ९०+५ मिनेटमा साउदीका मिडफिल्डर अल दाव्सरीले साउदीको तर्फबाट दोस्रो गोल गर्दै साउदीको जित पक्का बनाएका थिए । जारी विश्वकपमा साउदीको यो नै पहिलो जित हो ।
