मेस्सी र मुसा आज आमुन्ने सामुन्ने हुँदै

१२ असार २०७५, काठमाडौं

समूह डि का दुई राष्ट्र अर्जेन्टिना र नाईजेरिया आज आमुन्ने सामुन्ने हुँदै छन् ।

krestovsky रंगशालामा आज राती ११:४५ बाट दुई राष्ट्रको खेल हुनेछ । आज हुने उक्त खेलमा अर्जेन्टिनाका मुख्य चाबीका रुपमा रहेका मेस्सी र नाइजेरियाका मुख्य चाबीको रुपमा रहेका मुसालाई विशेष रुपमा हेरिएको छ ।

समूह चरणको पहिलो खेलमा आईसल्याण्डसँग बराबरी खेलेको अर्जेन्टिनाले दोस्रो खेलमा क्रोएसियासँग पराजित भएको थियो । त्यसैगरी समूह चरणको पहिलो खेलमा क्रोएसियासँग पराजित भएको नाइजेरियाले दोस्रो खेलमा आईसल्याण्डलाई पराजित गरेको थियो ।

समूह चरण अन्तर्गत अन्तिम खेल खेल्न लागेका अर्जेन्टिना र नाइजेरिया मध्ये अर्जेन्टिनाको १ अंक रहेको छ भने नाइजेरियाको ३ अंक रहेको छ।

समूह चरणको दोस्रो खेलमा आईसल्याण्डलाई ब्याक्तिगत २ गोल गरेर चर्चा कमाएका नाइजेरियाका मुसा र विश्व चर्चामा रहेका मेस्सीबिच आज हुने खेलमा कस्ले बाजि मार्न सफल हुने हो त्यो सबैको चासो बनेको छ ।