१२ असार २०७५, काठमाडौं
जारी विश्वकपमा आज भएको समूह सि का दुई राष्ट्र फ्रान्स र डेनमार्कबिचको खेल बराबरीमा टुंगिएको छ। निर्धारित समयमा दुबै टिमले कुनै गोल गर्न नसकेपछि खेल बराबरीमा टुंगिएको हो ।
समूह चरणको दुई खेलमा डेनमार्कले अस्ट्रेलियासंग बराबरी र पेरुलाई पराजित गरेको थियो । त्यसैगरी फ्रान्सले समुह चरणको दुई खेलमा पेरु र अस्ट्रेलियालाई पराजित गरेको थियो । समूह चरणको अन्तिम खेलमा बराबरी खेलेसंगै फ्रान्सको ७ अंक भएको छ भने डेनमार्कको ५ अंक रहेको छ।
समूह विजेता बन्दै फ्रान्स अन्तिम १६ मा प्रवेश गरिसकेको छ भने समूह उपविजेता बन्दै डेनमार्कले पनि अन्तिम १६ मा प्रवेश गरेको छ । अब प्री क्वाटर फाइनल चरणमा फ्रान्सको भेट समूह डि को उपविजेतासंग हुनेछ भने डेनमार्कको भेट समूह डि कै विजेतासंग हुनेछ ।
