विप्लब समूहद्वारा गाउँपालिका अधिकृतलाई कालोमोसो



१३ असार २०७५, बझाङ

नेपाल कम्युनिष्ट पार्टी बिप्लवले बझाङ जिल्लामा एक अधिकृतलाई कालोमोसो दलेको छ ।

जिल्लाको साइपाल गाउँपालिकाका कार्यकारी अधिकृत राधाकृष्ण जोशीलाई भ्रष्टाचार गरेको आरोपमा आज बिहानै कालोमुसो दलेको हो ।जोशीले सहुलियतमा आएको चामल यार्सा गुम्बा टिप्नेलाई बेचेको नेकपा बिप्लपको आरोप  रहेको छ ।

जोशीले सोही गाउँपालिकाको लागि आएको २ हजार कुइन्टल चामलमध्ये १५ सय कुइन्टल चामल लेकमा यार्सागुम्बा टिप्न गएकाहरुलाई राईढुङगी वनमा लगेर बेचेको र उक्त चामलबाट आएको रुपैयाँ हिसाब नदेखाएको आरोप विप्लप समूहले लगाएको छ ।

त्यस्तै कार्यालय व्यवस्थापनको नाममा जोशीले बिल मिलाएर लाखौं भ्रष्टाचार गरेको नेकपाले दाबी गरेको छ । नेकपाले गठन गरेको जनपरिषद् बझाङका प्रमुख संग्राम सिंहले जोशीलाई पटकपटक सुझाव दिँदापनि नसुर्धेकोले चेतावनी स्वरुप कालोमोसो दलेको बताए ।

प्रतिक्रिया दिनुहोस्