१६ असार २०७५, काठमाडौँ
दोश्रो मदन भण्डारी बूढानीलकण्ठ फुटबल कप २०७५ आज ह्याण्डबल चौर कपनमा उद्घाटन भएको छ ।
उद्घाटन खेलमा इलाईटद्धारा सेभेन अफेन्डर्स २–१ ले पराजित भएको थियो ।
बूनपा उपप्रमुख उपप्रमुख रमा राईको प्रमुख आतिथ्यतामा भएको उद्घाटन कार्यक्रममा, काठमाडौँ जिल्ला खेलकुद समितिका अध्यक्ष ध्रुवराज न्यौपाने, खेलकुद महासंघका वरिष्ट उपाध्यक्ष कुमार ओझा लगायतका अन्य विशिष्ट व्यक्तित्वहरु अतिथिको रुपमा उपस्थित भएका थिए ।
उपत्यकाका ३२ टिमको सहभागीता रहने प्रतिष्पर्धामा प्रथम पुरस्कार नगद २ लाख र द्वितिय पुरस्कार १ लाख रहेको छ । यहि असार १६ देखि शुरु भएको खेल असार २३ सम्म जारी रहने छ ।
नेपाल खेलकुद महासंघ बूढानीलकण्ठ नगर कमिटीको आयोजनामा हुने प्रतियोगितामा बूढानीलकण्ठ नगरपालिका, काठमाडौँ जिल्ला खेलकुद समिति, बूनपा वडा नं १०, ११ साथै याङ्खो रेस्टुरेन्ट एण्ड स्नोकर रहेका छन् ।
उद्घाटन कार्यक्रमको अध्यक्षता नेपाल खेलकुद महासंघ नगर कमिटी अध्यक्ष प्रज्ववल थापाले गरेका थिए भने संचालन रामसरण सापकोटाले गरेका थिए ।
