२४ असार २०७५, काठमाडौं
पोर्चुगल तथा रियल म्याड्रिडका सुपरस्टार क्रिस्टियानो रोनाल्डोले रियाल म्याड्रिड छाड्ने भएका छन्। उनि चाडै इटालियन क्लब युभेन्टस जाने भएका छन् । १ सय मिलियन युरोमा किन्ने बताइएको रोनाल्डोले वार्षिक ३० मिलियन कमाउने बताइएको छ।
रोनाल्डोले क्लब छाड्ने हल्ला चल्दै गर्दा रियाल म्याड्रिडले पनि रोनाल्डोको विकल्प खोज्न थालेको छ। रोनाल्डोको विकल्पको रुपमा अनलाइन पोलमा रियालाका समर्थकहरुलाई तपाई रोनाल्डोको विकल्पमा को चाहानु हुन्छ ? भनि प्रस्न गर्दा धेरैको उत्तर थियो ब्राजिल तथा पिएसजीका स्टार नेईमार।
झन्डै ९० प्रतिशतको माग नेईमार प्रति थियो भने चेल्सीका हाजार्ड र पिएस्जिकै एम्बाप्पे पनि रोजाईमा रहेका थिए। अघिल्लो बर्ष मात्र बार्सिलोनाबाट पिएसजी आएका नेईमार रियल जाने हल्ला चलिरहेको बेला नेईमारले भने पिएसजीमा नै बस्ने संकेत दिएका छन्। पिएसजीका स्टार नेईमार सबै भन्दा महँगो खेलाडी समेत हुन्।
नेईमार पछि अर्को महँगो खेलाडीका रुपमा पिएसजीमा अनुबन्धित हुदैछन एम्बापे। नेईमार र एम्बाप्पे पिएसजीमा नै बसेको खण्डमा चेल्सीका हाजार्ड रियलका लागि एक मात्र बलियो विकल्प हुनेछन।
