२५ असार २०७५, काठमाडौं
मोंटियाल टाइगर्स र टोरन्टो नेसनाल्सको क्यानाडामा जारी ग्लोबल टि – २० मा नेपाली युवा स्पिनर सन्दिप लामिछानेले जादुमय खेल प्रस्तुत गर्दै २ विकेट लिएका छन्। तर सन्दीपले उत्कृष्ट प्रदर्शन गरेता पनि उनको टोलि अन्तिम बलमा १ विकेटले पराजित हुन पुग्यो।
निर्धारित २० ओभरमा ४ विकेटको क्षतिमा १७६ रन बनाएको सन्दीपको टोलि मोंट्रियाल टाइगर्सले पहिलो ब्याटिङ्ग गरेको थियो। जवाफमा टोरन्टोले २० ओभर खेल्दै १७९ रन जोडेको थियो। ४ ओभर बलिङ्ग गरेका सन्दीपले ३४ रन खर्चिदै २ विकेट लिएका थिए।
अन्तिम समयामा टोरन्टोलाई २ रन चाहिएको थियो भने टाइगर्सलाई १ विकेट अथवा डट बल चाहिएको थियो तर टोरन्टोले अन्तिम बलमा चौका प्रहार गर्दै जित हासिल गर्न पुग्यो।
आफुले खेलेका अघिल्ला ३ खेल मा १/१ विकेट लिएका सन्दीपले एक खेल कम खेलेर पनि सर्वाधिक विकेट लिनेको सुचिमा १० नम्बरमा रहेका छन्। उनले लासिथ मलिंगा , पिटर सिडल , सुनिल नारान जस्ता अनुभवी बलरहरुलाई बलिङ्ग अट्याकमा साथ् दिएका थिए।
