२६ असार २०७५, काठमाडौँ
दोश्रो मदनभण्डारी बूढानीलकण्ठ फुटबल कप फाईनल खेलमा ईलाइट्स स्पोर्ट क्लबले नारायणटार स्पोर्टस्लाई ४–१ ले पराजित गरी रु २ लाख नगद र ट्रफि हात पार्यो । पराजित नारायणटार स्पोर्टस् क्लबले रु १ लाख नगद र ट्रफिमा चित्त बुझाउनु पर्यो ।
खेलमा बेस्ट किपर ईलाइट्सका रोमन रसाईली, बेस्ट प्लेअर उर्गेन शेर्पा, डिफेन्डर फ्लोरेन्ट, स्कोरर माक्सवेल इल्कनले पाउन सफल भएका थिए ।
कार्यक्रममा प्रमुख अतिथि परराष्ट्रविद डा. राजन भट्टराई, विशेष अतिथि प्रदेशसभा सदस्य कुसुम कुुमार कार्की, अतिथिहरुमा बूनपा नगर प्रमुख उद्धव खरेल, उपप्रमुख रमादेवी राई, काठमाडौँ जिल्ला खेलकुद समिति अध्यक्ष धु्रवराज न्यौपाने, उपाध्यक्ष बद्रि भट्टराई, बूनपा १० वडाध्यक्ष नवराज भट्टराई, ११ का अध्यक्ष राजु अधिकारी, १२ का शम्भु भट्टराई, खेलकुद महासंघका उपाध्यक्ष कुमार ओझा लगायत अन्य समाजसेवी तथा खेलकुदप्रेमीहरुको बाक्लो उपस्थिती रहेको थियो ।
