०२ साउन २०७५, काठमाडौं
पोर्चुगिज स्टार स्ट्राइकर क्रिस्टियानो रोनाल्डोलाई युभेन्टसका हजारौं समर्थकले भव्य स्वागत गरेका छन् । उनी यसैवर्ष सम्पन्न विश्वकप पश्चात फुटबल क्लब युभेन्टसमा आवद्ध भएका हुन् ।
रोनाल्डोको स्वागतको लागि क्लबले भव्य कार्यक्रम आयोजना गरेको छ । युभेन्टसले एलियाज स्टेडियममा औपचारिक रुपमा रोनाल्डोलाई आज साँझ सार्वजनिक गर्ने तयारी गरिरहेको छ ।
उनी रियल मड्रिडबाट इटालियन क्लब युभेन्टसमा अनुबन्धित भएका हुन् । रोनाल्डोलाई क्लबको मेडिकल सेन्टर पुग्दा हजारौ समर्थकले घेरेका थिए । नयाँ क्लब युभेन्टसमा अनुबन्धित भएपछि रोनाल्डोले कस्तो फुटवल खेल्छन् त्यो भने हेर्न बाँकी छ ।
