१० साउन २०७५, काठमाडौं
इटालियन च्याम्पियन क्लब युभेन्ट्सले इन्टरनेसनल च्याम्पियन्स कपमा जर्मन च्याम्पियन बायर्न म्युनिखलाई पराजित गरेको छ। सिरी “ए” च्याम्पियन युभेन्ट्सले जर्मन बुन्डेस लिगा च्याम्पियन बायर्न म्युनिखलाई प्रि-सिजनको इन्टरनेसनल च्याम्पियन्स कपमा २-० ले पराजित गरेको हो।
जितको लागि दुवै गोल आन्द्रिय फाभिल्लिले गरेका थिए। २१ बर्षे फाभिल्लिले खेलको ३२ र ४० औँ मिनेटमा गोल हान्दै आआफ्नो टोलीको जित पक्का गराएका थिए। युभेन्ट्समा भर्खरै मात्र विश्व चर्चित स्टार क्रिस्टियानो रोनाल्डो पनि भित्रिएका छन्।
त्यसैगरी इन्टरनेसनल च्याम्पियन्स कपको अर्को खेलमा जर्मन क्लब बोरुसिया डर्टमण्ड पोर्चुगिज क्लब बेन्फिकासँग पेनाल्टी सुटआउटमा पराजित भएको छ।
