१३ साउन २०७५, काठमाडौं
नेपाल थाइबक्सिङ्ग संघको आयोजनामा शुक्रबार एक समारोहका बिच महाराजगन्जस्थित ओलिभ क्याफेको प्राङ्गणमा गुरु पुर्णिमाको अवसरमा गुरुपुजा विशेष कार्यक्रम समपन्न भएको छ । सोही अबसरमा मुवाथाई खेल समेत प्रदर्शन गरिएको थियो।
नेपाल थाइबक्सिङ्ग संघका अध्यक्ष नबराज भण्डारीको नेतृत्वमा १२ सदस्यीय टोलि सहित थाइल्यान्डको राजधानी बैंककमा एक महिने विशेष प्रशिक्षणमा जाने खेलाडीहरुलाई पनि विदाई गरियो। प्रदेश नम्बर ३ का अर्थ मामिला तथा योजना मन्त्री बिजय कुमार यादव तथा राष्ट्रिय खेलकुद परिषदका सदस्य अर्जुन बहादुर केसीले खेलाडीहरुलाई अबिर तथा खदा लगाएर विदाई गरेका हुन् ।
थाईल्यान्डको अभ्यासले युएफसी लगाएतका बहुचर्चित खेलमा सहयोग पुग्ने दाबी प्रशिक्षक निकेश तामाङले बताए । सोही खेलमा सहभागी हुने अर्का खेलाडी तथा एचएफसि च्याम्पियन सन्तोष साउदले थाईल्यान्डको मौलिक खेल थाइल्यान्ड मै प्रशिक्षण गर्न पाउनु सौभाग्य रहेको बताए ।
