छुट्टी सकेर परिवारसहित रोनाल्डो इटालीमा, सोमबारदेखि युभेन्टसमा प्रशिक्षण खेल खेल्ने

१४ साउन २०७५, काठमाडौं

पोर्चुगलका स्टार क्रिष्टियानो रोनाल्डोले सोमबारदेखि इटालियन क्लब युभेन्टसमा प्रशिक्षण खेल खेल्ने भएका छन्। उनि हालै मात्र युभेन्टसमा आवद्ध भएका थिए।

रसिया विश्वकप २०१८ पछि छुट्टी मनाउन परिवारसहित चीन पुगेका रोनाल्डो हिजो आइतबार परिवारसहित प्राइभेट विमान मार्फत इटालीको टुरिन पुगेका छन्। युरोपियन क्लब फुटबलको नयाँ सिजन सुरुअघि युभेन्टस यतिबेला अमेरिका भ्रमणमा रहेको भएता पनि रोनाल्डो टुरिनमै रहेर प्रशिक्षण गर्ने बुझिएको छ।

यहि अगष्ट ४ तारिकको दिन युभेन्टसले रोनाल्डोको पुर्वक्लब रियल मेड्रिडसँग खेल्दै छ तर उक्त खेलमा रोनाल्डो खेल्ने नखेल्ने भन्ने केहि खुलाइएको छ । रोनाल्डो भने उक्त खेल नखेल्न चाहेका छन्।