१९ साउन २०७५, काठमाडौं
सोलुखुम्बुमा शैक्षिक भ्रमणमा गएका तीन जना विद्यार्थी बेपत्ता भएका छन् ।
खुम्बु पाशाङल्हमु गाँउपालिका स्थित खुम्जुङ माविका कक्षा ९ मा अध्ययनरत ३३ जना विद्यार्थी विहिबार खुम्बु क्षेत्रमा पर्ने गोक्यो तालको शैक्षिक भ्रमणमा गएका थिए ।
विद्यालयबाट दुई दिन हिडेपछि पुगिने गोक्यो तालबाट फर्किने क्रममा उनीहरु बेपत्ता भएका हुन्।
बेपत्ता हुनेहरुमा १७ बर्षीय तेम्बा दोर्जे शेर्पा, १६ बर्षीय टेम्मा नुरु शेर्पा र १६ बर्षीय सुनिल बराईली रहेका छन् । बेपत्ता विद्यार्थीहरुको खोजी तथा उद्दारका लागी सिम्रिक एयरको हेलीकप्टर गए पनि थप सम्पर्क हुन नसकेको जिल्ला प्रहरी कार्यालय सोलुखुम्बुका डिएसपी रेसम पराजुलीले बताउनुभयो ।
हराएका विद्यार्थीहरुको उद्दारका लागी खुम्बजुङबाट पनि हेलिकप्टर त्यसतर्फ गएको डिएसपी पराजुलीले जानकारी दिनुभयो ।
