२४ साउन २०७५, काठमाडौं
नेपाली महिलाहरुको महान चाड तीज नजिकिदै गर्दा तीज गीत बजारमा ल्याउनेहरुको होडबाजी चलिरहेको छ। त्यहि होडबाजीहरुको भिडमा आफ्नो मौलिक र फरक स्वादको तीज गीत लिएर सांगीतिक बजारमा आएकी छिन लोक गायिका कल्पना दुलाल।
पुरुष हुन् या महिला यतिबेला तीज गीत गाउन र तीज गीतमा छमछमी नाच्दै रमाउन चाहान्छन्। आफ्नो सबै दु:ख र बेदनाहरु भुलेर संगीहरुसँग कम्मर मर्काउदै तीज मनाउन चाहान्छन् नेपाली महिलाहरु।
बजारमा विभिन्न किसिमको तीज गीत आइरहेको बेला कल्पनाले तीजको मर्म अनुरुप टिपिकल र मन छुने शब्दले भरिपुर्ण गीत पस्किएकी छिन्।
“अर्गानिक तीज” बोल रहेको कल्पनाको उक्त गीतमा सुमन श्रपितले शब्द लेखेका छन् भने बीबी अनुरागीले संगीत भरेका छन्। त्यसैगरी मधुर बस्नेतले गीतमा कोरियोग्रफ र निर्देशन गरेका छन्।
कृष्टिना दुलाल, युनिषा थापा, ध्रुवराज खड्का, माधव खनाल र हरि कार्कीको बेजोड अभिनय रहेको गीतलाई कमला देवी डिजिटलले बजारमा ल्याएको छ। यतिबेला गीतले सबैको मन जित्दै चर्चा बटुल्न सफल बनिरहेको छ।
