२७ साउन २०७५, काठमाडौं
राजधानीबाट अति–दुर्लभ मानिने वन्यजन्तु रेडपान्डा (हाब्रे) को छालासहित ५ जनालाई प्रहरीले नियन्त्रणमा लिएको छ । उनीहरुबाट एक थान रेडपान्डा (हाब्रे) को छाला बरामद गरिएको हो । उनीहरुलाई विषेश सुराकीको आधारमा पक्राउ गरिएको प्रहरी श्रोतको दावी छ ।
पक्राउ पर्नेमा ताप्लेजुङका २७ वर्षिय आशिक राई, ओखलढुङ्गाका ३१ वर्षिय सन्तोष राई र २३ वर्षिय रमेश पौडेल, खोटाङका २१ वर्षिय मिलन गुरुङ र पाँचथरका ३८ वर्षिय जनककुमार चाम्लिङ रहेका छन् ।
यस अघि विषेश सुराकीकै आधारमा प्रहरीले तामाकोशी बजारबाट लोपोन्मुख जन्तु ध्वाँसे चितुवाको छाला र सालकको खपेटासहित ३ जनालाई पक्राउ गरेको थियो ।
