०६ भदौ २०७५, काठमाडौं
संसदबाट प्रधानन्यायधीसमा अस्वीकृत भएपछि राष्ट्रपति विद्यादेवी भण्डारीलाई भेटेर १५ दिनको विदामा बसेका तत्कालीन कायममुकायम प्रधानन्यायधीस दीपकराज जोशीले सोमबार फेरी भैपरी विदा ६ दिन थप गरेका छन् ।
१३ दिनको विदा पाउनेमा जोशीले राष्ट्रपतिसमक्ष ६ दिनको विदा थप गरेर हालको कायममुकायम प्रधानन्यायधीस पनि आफै रहेको सन्देश दिएका छन् । यसपछि अदालतका उच्च अधिकारी अप्ठेरोमा परेका छन् । उनीहरुले वरिष्ठमत न्यायधीसहरुसँग अदालत फर्केका खण्डमा आईपर्ने समस्याका बारेमा अनौपचारिक परामर्श समेत गरेका छन् । उनले ६ दिनको विदापछि आफ्नो कार्यालय गएर आफु कायममुकायम प्रधानन्यायधीसकै पदमा रहि काम गर्ने सन्देश प्रवाह गरेका छन् ।
जबकी, अदालतले कायममुकायम प्रधानन्यायधीसका रुपमा ओमप्रकाश मिश्रलाई मानिसकेको छ । भदौ १ गते मुलुकी ऐन प्रतिस्थापन गर्ने कानूनहरु लागु भएको दिन जोशीले कायममुकायम प्रधानन्यायधीसकै हैसियतमा जारी गरेका विज्ञप्ती विवादमा परेको बेलामा उनी अदालत फर्किदाँ आईपर्ने समस्याका बारेमा सर्वोच्चले न्यायधीसहरुसँग परामर्श गरेको हो ।
