१० भदौ २०७५, काठमाडौं
कास्की जिल्ला ब्याडमिन्टन संघको पहलमा रंगशालाभित्र निर्माण भईरहेको अन्तराष्ट्रिय ब्याडमिन्टन कभर्ड हलको लागि हङकङबाट रु. १६ लाख ३३ हजार ९९२ सहयोग प्राप्त भएको छ ।
१७ औं जिल्लास्तरीय अन्तर विद्यालय इन्द्रबहादुर गुरुङ स्मृति ब्याडमिन्टन प्रतियोगिता–२०७५, का अवसरमा हङकङ– नेपाल ब्याडमिन्टन संघ एसोसिएसनका सदस्य दुर्गा बहादुर गुरुङले संघका जिल्ला अध्यक्ष डम्बर बहादुर गुरुङलाई हस्तान्तरण गरेका छन् ।
सो रकम हङकङ –नेपाल ब्याडमिन्टन एसोसिएसनको पहलमा संकलन गरिएको हो । कास्की जिल्ला ब्याडमिन्टन संघको सक्रियतामा रंगशालाभित्र करिब ३ करोड ५० लाखको लागतमा सो कभर्ड हल निर्माण भईरहेको छ ।
