२१ भदौ २०७५, काठमाडौं
एशिया कप छनौट खेल खेलेर नेपाली टिम भोली (शुक्रबार) स्वदेश फर्कने भएको छ । मलेसियामा भएको छनौट प्रतियोगिता खेलेर नेपाली टोली भोली दिउँसो १२ः१५ बजे काठमाडौं आईपुग्ने भएका हुन् । नेपाली टिमका म्यानेजर रमन शिवाकोटीका अनुसार नेपाली टिम भोली बिहान १२ः१५ बजे त्रिभुवन अन्तराष्ट्रिय विमानस्थलमा अवतरण हुनेछन् ।
नेपाली टिमसँगै युवा लेग स्पिनर सन्दिप लामिछाने समेत काठमाडौं फर्कने छन् । एशिया कपको निराशाजनक प्रर्दशनसँगै नेपाली टिम स्वदेश फर्कन लागेको हो । पहिलो खेलमा ओमनसँग ७ विकेटले पराजित नेपाल दोस्रो खेलमा युएईसँग ७८ रनले हारेको थियो । तेस्रो खेलमा मलेसियालाई १९ रन तथा चौथो खेलमा सिंगापुरलाई ४ विकेटले पराजित गरेको थियो ।
अगाडि त्यत्ति खराब प्रदर्शनमा नभएपनि निर्णायक खेलमा हङकङसँग ३ विकेटले पराजित भएपछि नेपाली टिम प्रतियोगिताबाट बाहिरिएको थियो । प्रगियोगिताबाट बाहिरिएसँगै नेपाल भोली स्वदेश फर्कन लागेको हो ।
