नायक यशकुमारद्वारा निर्देशित चलचित्र छिरिङको ट्रेलर सार्वजनिक

२६ भदौ २०७५, काठमाडौँ

प्रदर्शन हुनुभन्दा अगावै निकै चर्चामा रहेको नायक तथा गायक यशकुमार निर्मित छिरिङ को केहिदिन अगाडि टिजर सार्वजनिक गरिएको थियो । यशकुमार परियार नेपालका स्थापित नायक तथा गायक हुन् । आजभोली नेपाली कलाकार निर्देशनमा हात हालिरहँदा यशकुमारले पनि चलचित्र निर्देशन गरेका छन् । उनले  निर्देशन गरेको चलचित्र छिरिङ को अफिसियल ट्रेलर सार्वजनिक भएको छ ।

बहुविवाहमा आधारित चलचित्र छिरिङलाई सुनिल प्रधान र नबिन बुढाथोकीले संयुक्त रुपमा निर्माण गरेका हुन् । चलचित्र छिरिङ मा यश कुमारका साथ नेपालका चर्चित गायक निमा रुम्बा र कामना भुजेलको पनि प्रमुख भूमिका रहेको छ । चचित्र असोज १२ बाट देशव्यापी रुपमा प्रदर्शनमा आउने भएको छ ।