२६ भदौ २०७५, काठमाडौँ
स्थानीय क्लव तथा विद्यालयहरुको संयुक्त पहलमा एन्फले कपनमा ग्रासरुट फुटबल कार्यशाला संचालन हुने भएको छ ।
ग्रासरुट फुटबलमा ८–१० तथा १०–१२ उमेर समूहका बालबालिकाहरुले प्रशिक्षण लिन पाउने एन्फा सुचना विभाग सहसंयोजक बद्रि भट्टराईले परिवर्तन खबरलाई बताए ।
कार्यक्रममा एन्फा उपाध्यक्ष उपेन्द्रमान सिंह, एन्फा विदेश विभाग प्रमुख नविना पाण्डे, बूनपा १० वडाध्यक्ष नवराज भट्टराई राष्ट्रिय खेलाडी विशाल श्रेष्ठ, जिल्ला खेलकुद विकास समिती अध्यक्ष ध्रुवराज न्यौपाने लगायत कपनका विभिन्न विद्यालयका प्रधानध्यापक तथा शिक्षकहरुको उपस्थिती रहेको थियो ।
कार्यक्रममा बोल्दै वडाध्यक्ष भट्टराईले खेलकुदको लागि वडाले गर्नुपर्ने साथ सहयोग गर्ने प्रतिबद्धता व्यक्त गरेका थिए ।
