विश्वमा धेरै कमाई गर्ने शीर्ष १० अभिनेतामा भारतका दुई परे

विश्वभरका क्रियाशील अभिनेताहरूमा यो वर्ष सबै भन्दा बढी कमाइ गर्ने अभिनेताहरूको सूची फोब्र्सले सार्वजनिक गरेको छ ।

सूची अनुसार २३ करोड ९० लाख अमेरिकी डलरको कमाइ गरी पहिलो स्थानमा जर्ज क्लूनी हुन् भने दोस्रोमा १२ करोड ४० लाख अमेरिकी डलरको कमाइका साथ डाउने जनसन छन् ।

तेस्रोमा ८ करोड १० लाख अमेरिकी डलरको कमाइका साथ रोबर्ट डाउनी जुनियर छन् । चौथोमा क्रिस हेम्सवर्थले ६ करोड ४५ लाख कमाइ गरेका छन् भने पाँचौमा ज्याकी चान ४ करोड ५५ लाख कमाइ गरेका छन् ।

छैटौ स्थानमा ४ करोड २० लाख कमाइको साथ विल स्मिथ छन् भने सातौं स्थानमा बलिउडका अक्षयकुमारको वार्षिक आमदानीपरेको छ । अक्षयकुमारको आमदानी ४ करोड ५ लाख अमेरिकी डलर रहेको छ ।

यस्तै आठऔं स्थानमा एडम स्यान्डलरको ३ करोड ९५ लाख अमेरिकी डलरको कमाइ छ भने ९ औं स्थानमा बलिउडका सलमान खान ३ करोड ८५ लाखका स्थान फोब्र्सको सूचीमा छन् । १० औं स्थान क्रिस इभान्स छन् उनको कमाइ ३ करोड ४० लाख छ ।

यी कलाकारहरूको आमदानी जुन २०१७ देखि जुन २०१८ सम्मको लेखाका आधारमा शीर्षस्थान तय गरिएको हो ।