विपिन र नम्रता स्टारर चलचित्र प्रसादको पहिलो गीत रिलिज

२ असोज २०७५,काठमाडौँ

केहिसमय अघिमात्र छायांकन सकिएको चलचित्र प्रसाद को पहिलो गीत सार्वजनिक भएको छ । निसन्तान दम्पतीको कथामा आधारित चलचित्र प्रसादलाई चर्चित निर्देशक दिनेश राउतले निर्देशन गरेका हुन् ।

गणेश शाहीको शब्द र सुवास भुषालको संगीत रहेको लै लै बोलको गीतमा केतन क्षेत्रीको आवाज रहेको छ । चर्चित नायक विपिन कार्की र नेपालकी डिमाण्डेड नायिकाको रुपमा परिचित नम्रता श्रेष्ठको चलचित्रमा मुख्य भूमिका रहेको छ । चलचित्रमा निश्चल बस्नेतको पनि प्रमुख भूमिका रहेको छ । चलचित्र प्र्रसाद मङ्सिर २१ बाट देशव्यापी रुपमा प्रदर्शनमा आउने भएको छ ।