६ असोज २०७५, काठमाडौँ
बादशाहको नामले परिचित भारतीय र्यापर आदित्य प्रतिक सिंह नेपाल आएका छन् । छोटो समयमै आफ्नो र्यापमा कारण भारतमा मात्र नभएर नेपालमा पनि निकै चर्चा कमाउन सफल बादशाह १४ औँ दरबारमार्ग स्ट्रिट फेस्टबलका लागि नेपाल आएका हुन् ।
बादशाहका फ्यानहरुले उनको निकै भव्यताका साथ एयरपोर्टमा स्वागत पनि गरे । टिभीएस मोटर्स इन्डिया र जगदम्बा मोर्टर नेपालको सहकार्यमा आयोजित उक्त कन्सर्ट शनिबार १२ बजेदेखि सुरु हुँदैछ । कन्सर्टमा निःशुल्क प्रवेशको व्यवस्था मिलाइएको छ । बादशाहको आगमनसँगै उक्त कार्यक्रमको लागि उनका फ्यानहरु निकै उत्साहित भएका छन् । उक्त कन्सर्टमा बादशाहसँग नेपालका सुपरहिट कलाकारहरु पनि सहभागी हुनेछन् । उक्त कार्यक्रममा बादशाहका साथ इन्दिरा जोशी, नेपाल आईडलका टप ३ प्रतिस्पर्धी र बुगी वुगीका टप ३ प्रतिस्पर्धीको पनि प्रस्तुती रहने छ ।
