थ्री स्टारले गर्यो २५ सदस्यीय टोलीको घोषणा

०६ असोज २०७५, काठमाडौं

१३ असोजदेखि सुरु हुने शहिद स्मारक ए डिभिजन लिगका लागि थ्री स्टारले २५ सदस्यीय टोलीको घोषणा गरेको छ ।

क्लबले गत बिहिबार मात्र आनिल गुरुङलाई टिममा अनुबन्ध गरेको थियो । टोलीमा अनिलसँगै अनन्त तामाङ, रञ्जन विष्ट, सुनील बल, विक्रम लामा, निराजन खड्का, एलान न्यौपानेजस्ता राष्ट्रिय स्तरका खेलाडीलाई राखिएको छ । थ्री स्टारको टोलीमा गोलकिपर एलन न्यौपाने, पूर्ण चाम्लिङ र अभिषेक बराल, डिफेन्डरमा अनन्त तामाङ, रञ्जीत धिमाल, विजय धिमाल, विष्णु सुनार, अशोक खवास, जीवन गुरुङ र पिटर सेगुन छन् ।

त्यसैगरि मिडफिल्डमा निराजन खड्का, विक्रम लामा, सुनील बल, रुपेश केसी, मिसान लामा, दीपेश घले र दीपसन राउत तथा फरवार्डमा अनिल गुरुङ, रञ्जन विष्ट, बुद्ध लिम्बू, समुन श्रेष्ठ, अजायी मार्टिनिज र जेनिश प्रजापति छन् । ए डिभिजन लिग सबैभन्दा बढि थ्री स्टारले नै जितेको छ । यो खेल करीब चार वर्षपछि हुन लागेको हो ।