०७ असोज २०७५, काठमाडौं
नजिकिदैँ गरेको दशैं तथा तिहारको अवसरमा निङ्गलाशैनी प्रिमियर लिग (एनपिएल) टी–ट्वान्टी सञ्चालन हुने भएको छ ।
निङ्गलाशैनी क्लबको आयोजनामा हुने खेल ८ कार्तिकबाट सुरु हुने जनाईएको छ । खेलका प्रथम तथा द्धितिय टिमले क्रमस १ लाख ११ हजार १ सय ११ तथा ५५ हजार ५ सय ५५ को साथमा ट्रफी प्रमाणपत्र पाउने आयोजकले बताएको हो । त्यस्तै खेलका एक उत्कृष्ट खेलाडीलाई नगद ११ हजार १ सय ११ को साथमा ट्रफी र प्रमाणपत्र दिईने आयोजकले जनाएको छ । उत्कृष्ट बलर तथा एक उदयमान खेलाडीलाई नगद ५ हजार ५ सय ५५ को साथमा ट्रफी तथा प्रमाणपत्र दिईने बताईएको छ ।
खेलमा १२ टिमका सहभागिता रहने छ । जसमा ३ जनासम्म अन्तराष्ट्रिय खेलाडी राख्न पाउने आयोजकले जनाएको हो । सो खेलका लागि टिम दर्ता भने २५ असोजभित्र गरिसक्नपर्ने जानकारीमा उल्लेख छ ।
