शहिद स्मारक ए डिभिजनको समय फेरबदल हुने

०८ असोज २०७५,काठमाडौं

बंगबन्धु गोल्डकप फुटबल प्रतियोगितामा नेपालले भाग लिने पक्का भएको छ । यससँगैं शहिद स्मारक ए डिभिजनको खेल तालिका फेरबदल हुनेभएको छ ।

बंगलादेश फुटबल फेडेरेसनले अन्तिम समयमा आएर पुरस्कार दिने भएपछि शहिद स्मारकको खेल तालिका फेरेर भएपनि सहभागिता हुने एन्फाले जनाएको हो । पुरस्कार नपाउँदा एन्फाले खेल खेल्ने कि नखेल्ने भन्ने निर्णय गर्न सकेको थिएन । आयोजकले एन्फाको खातामा २५ लाख राखिदिए पछि एन्फाले सहभागिता जनाउने भएका हो । यससगैं १५ असोजबाट सुरु हुने खेलमा नेपालको सहभागिता पक्का भएको हो ।

एन्फाकाअनुसार उद्घाटन खेल भने तोकिएकै समयमा हुने तथा अन्य खेलका मिती भने परिवर्तन हुने बताईएको छ ।