१० असोज २०७५, काठमाडौं
आगामी १३ असोजबाट बंगलादेशमा सुरु हुने एसीसी अन्डर १९ एशिया कपको लागि १५ सदस्यीय नेपाली टोलीको घोषणा भएको छ ।
नेपाली टोलीमा कप्तानी आसिफ सेख र उपकप्तान कमल सिंहसहित अन्य खेलाडीहरु रोहित पौडेल, रवि शाह, नन्दन यादव, रीत गौतम, पवन सराफ, रविन्द्र जंग शाही, रशिद खान, भिम सार्की, ट्रीत राज दास, सन्दीप जोरा,सागर ढकाल, अरुण ऐरी र सुर्य तामाङ रहेका छन् । सो नेपाली टिमलाई अन्डर १९ टिमका कोच बिनोद दास, सुनोज भट्टराई र राजु खड्काले छानेका हुन्।
अन्डर १९ एशिया कपमा नेपालसहित भारत, पाकिस्तान, श्रीलंका, हङकङ, बंगलादेश, युएई र अफगानिस्तान गरी ८ टोलीले खेल्दै छन्।
