१० असोज २०७५, सिन्धुली
राइट हियर राइट नाउको आर्थिक सहयोगमा रुओन नेपालद्वारा आयोजित “सुरक्षित गर्भपतन मेरो अधिकार” सम्बन्धि कार्यक्रम सिन्धुलीमाढीमा सम्पन्न भएको छ ।
उक्त कार्यक्रममा सिन्धुलीका विभिन्न मिडियामा कार्यरत २९ जना संचारकर्मीहरुलाई नेपालमा गर्भपतनको अवस्था, योजना र नीति सम्बन्धी विषयमा छलफल गरिएको थियो ।
असुरक्षित गर्भपतन कम गर्न र सुरक्षित गर्भपतन सेवा संख्या बढाउन संचारकर्मीहरुले खेल्ने भूमिका र महत्वका बारेमा छलफल गरिएको कार्यक्रमका संयोजक सम्झना पहाडीले परिवर्तन खबरलाई बताईन् ।
नेपाल सरकारले सन् २००२ मा गर्भपतनलाई वैधानिकता दिएपनि धेरैजसो मानिसहरुलाई यसको जानकारी कम हुनु र गर्भपतनलाई नकरात्मक रुपमा लिनुले संचारकर्मीहरुलाई यस विषयमा सकारात्मक प्रभाव पर्ने गरी समाचार प्रकाशन तथा प्रशारण गर्न आग्रह गरिएको थियो ।
