११ असोज २०७५, काठमाडौं
चलचित्र रिलिजको अन्तिम समयमा आएर छक्का पञ्जा ३ टिम भित्रको किचलो बाहिरिएको छ ।
चलचित्र छक्का पञ्जा ३ रिलिज डेट नजिकिदै गर्दा चलचित्र निर्माण टिमका मुख्य ३ कलाकार दीपकराज गिरी, जितु नेपाल र केदार घिमिरे एक अर्कासँग असन्तुष्ट भई झगडा गरिरहेको भिडियो बाहिरिएको छ ।
भिडियोमा चलचित्र छक्का पञ्जा ३ को विषयमा आफूहरुलाई बेवास्ता गरेर जे काम गर्दा नि एकलौटी व्यवहार गरेको भनी जितु र केदारले दीपकराज गिरीलाई आरोप लगाएको प्रष्ट देखिन्छ ।
यता दीपकले भने भन्नै पर्ने कुरा भनेको तर सबै कुरा भन्न आवश्यक नरहेको बताएका छन् । तर भिडियोको यथार्थ कुरा बुझ्नको निम्ति भने भिडियो अन्तिम सम्म हेर्नु पर्ने हुन्छ ।
