रेखा थापाद्धारा निर्मित प्रतिक्षित चलचित्र मालिका को ट्रेलर सार्वजनिक

१२ असोज २०७५, काठमाडौँ

नायिका रेखा थापा नेपालकी निकै सफल र सबैकी प्रिय अभिनेत्री हुन् । कुनै समयमा रेखाको नामले नै चलचित्र चल्थ्यो भने आजभोली उनी पहिलेको दाँजोमा चलचित्र खेल्दिनन् । उनी नायिका मात्र नभएर एक सफल निर्माती र निर्देशक पनि हुन् ।

उनी चर्चाले होस् वा आलोचनाले मिडियामा छाइरहेकी हुन्छिन् । उनले पछिल्लो समयमा निर्माण गरेको चलचित्र रुद्रप्रियाले खासै दर्शकको साथ पाएन । त्यसपछि उनको स्टारडम घट्दै गएको हो । हालैमात्र रेखाले पछिल्लो समयमा निर्माण गरेको चलचित्र मालिकाको ट्रेलर सार्वजनिक भएको छ । यसअघि उनले चलचित्रको २ गीत सार्वजनिक गरिसकेकी छिन् । उनले निर्माण गरेको चलचित्र मालिकामा रेखा र कमला वलीको मुख्य भूमिका रहेको छ । चलचित्र मालिका कार्तिक १६ बाट देशब्यापी रुपमा प्रदर्शनमा आउदै छ ।