विमल घर्तीमगर च्यासल क्बलमा आबद्ध

१२ असोज २०७५, काठमाडौं

राष्ट्रिय फुटबल टोलीका खेलाडी विमल घर्तीमगर च्यासल क्लबमा आबद्ध भएका छन् ।

शनिबारबाट सुरु हुने खेलका लागि उनलाई च्यासल क्लबले आबद्ध गरेको हो । विमललाई धेरै क्लबहरुले अनुबन्ध आग्रह गरेपनि अन्तिममा उनी च्यासलमा गएका हुन् । च्यासल क्लब दुई वर्ष अघि बी डिभिजनको विजेता बन्दै ए डिभिजनमा पुगेका हो । दुई खेलपछि नेपालले बंगलादेशमा हुन बंगबन्धु खेलमा सहभागिता जनाउने भएका कारण सो खेल भने केही दिनको लागि स्थगित हुने छ ।

रेलिगेसन नहुने लिगमा ए डिभिजन लिगका थ्री स्टार, मनाङ मर्स्याङ्दी, नेपाल पुलिस, एपीएफ, आर्मी, जावलाखेल युथ क्लब, फ्रेन्ड्स क्लब,संकटा,मछिन्द्र क्लब, सरस्वती युथ क्लब, च्यासल युथ क्लब, न्युरोड टिम (एनआरटी) ,ब्रिगेड ब्वाइज र हिमालयन शेर्पा क्लब गरि १४ टोलीको सहभागिता रहने जनाईएको छ ।