‘विर विक्रम २’ मा बर्षा र आकाश फाइनल

१४ असोज २०७५, काठमाडौँ

आकाश श्रेष्ठ पछिल्लो समयमा निकै चर्चित र व्यस्त नायक हुन् । उनको हातमा अहिले चलचित्रको कमी छैन । उनी लगातार एकपछि अर्को चलचित्रमा व्यस्त भैरहेका छन् । भर्खरै मात्र आकाश मुख्य भूमिकामा रहेको चलचित्र रामकहान िदेशभर प्रदर्शनमा आएको थियो । रामकहानी बक्सअफिसमा सफल पनि भयो ।

आकाश अब मिलन चाम्सको नयाँ चलचित्रमा देखिने भएका छन् । आजभन्दा २ बर्षअघि निर्माण भएको सुपरहिट चलचित्र विर विक्रमको सिक्वेल बन्ने भएको छ । मिलन चाम्सले चलचित्र ब्याचलर बन्टि निर्माण गर्ने बताएका थिए तर नायक अनमोल केसीको व्यस्तताको कारण उनले ब्याचलर बन्टिभन्दा पहिले विर विक्रम २ बनाउने भएका छन् । उक्त चलचित्रका लागि नायक आकाश श्रेष्ठ फाइनल भैसकेका छन् । उनको अपोजिटमा नायिका बर्ष सिवाकोटी अनुबन्धित भएकी छिन् । चलचित्रमा दयाहाङ र नाजिर पनि देखिने छन् । पहिलो छोटी पर्दामा आकाश र बर्षा सँगै देखिन लागेका हुन् । चलचित्रको अन्य जानकारी केहिदिन पछि एक कायैक्रम मार्फत् दिइने मिलनले बताएका छन् ।