नाई नभन्नु ल ५ ले गरायो निरुताको दमदार कमब्याक, हुदैछिन एकपछि अर्को चलचित्रमा व्यस्त

१४ असोज २०७५ काठमाडौँ

चलचित्र दक्षिणा बाट नेपाली चलचित्र जगतमा पाइला चालेकी निरुता आजभोली भने नेपाली चलचित्रमा देखिएकी छैनन् । उनले नेपाली चलचित्रबाट ब्रेक लिएको करिब ८ बर्ष बितिसकेको थियो । उनी मुम्बईमा बस्दै आएकी छिन् ।

नेपाली चलचित्रबाट टाढा रहेपनि निरुता नेपाली चलचित्र जगतमा आफ्नो यति राम्रो स्थान बनाइसकेकी छिन् कि उनी नहुँदा उनको निकै खोजी भएको थियो । ८ बर्षको ब्रेकपछि निरुता पुन नेपाली चलचित्रमा फर्किएकी छिन् । उनले कमब्याक गरेको चलचित्र नाई नभन्नु ल ५ ले निकै सफलता पायो  । चलचित्रमा उनको थोरै भूमिका थियो तर उनको भूमिकाले दर्शकलाई निकै प्रभावित बनायो ।

नाई नभन्नु ल ५ मा उनको निकै दमदार कम ब्याक देखियो । नाई नभन्नु ल ५ गरे लगत्तै उनलाई चलचित्रको आइरो लाग्न थालेको छ । नाई नभन्नु ल ५ को सुटिङ सकेर मुम्बई फर्किउको निरुता फेरि केहि दिनपछि आफ्नो नयाँ चलचित्रको लागि नेपाल आउने भएकी छिन् । उनी अब मह जोडिको दाल, भात, तरकारी र नायक प्रदिप खड्का मुख्य भूमिकामा रहेको चलचित्र लब स्टेशनमा पनि आउने भएकी छिन् । निरुताको हातमा अहिले थुप्रै चलचित्र आएका छन् । त्यसमध्ये राम्रो स्क्रिप्ट छानेर चलचित्र गर्ने उनले बताएकी छिन् । निरुताको कमब्याकले नेपाली चलचित्र क्षेत्र एकपटक फेरि तातिएको छ ।