‘राधा २’ मा आयुष्मान र प्रियंका रोमान्स गर्दै

१४ असोज २०७५, काठमाडौँ

नायिका प्रियंका कार्की नेपालकी चर्चित र डिमाण्डेड नायिका हुन् । यतिबेला उनको चर्चा नायक आयुष्मान देशराज जोशीसँगको सम्बन्धबारे चुलिएको छ । लामो समयको प्रेम सम्बन्धपछि यी दुईले केहिसमय अगाडि इन्गेजमेन्ट पनि गरेका थिए । यी दुईले अब आउने असारमा विवाह गर्ने योजना रहेको बताएका छन् ।

आयुष्मान र प्रियंकाको जोडि निकै राम्रो मानिन्छ । त्यसैले आजभोली म्यूजिक भिडियोमा हा्स् वा चलचित्रमा निर्माता निर्देशक उनीहरुलाई एकसाथ ल्याउन चाहन्छन् । आयुष्मान र प्रियंकाले एकसाथ केहि म्यूजिक भिडियो र चलचित्र पनि गरिसकेका छन् । यी दुईका फ्यानको लागि एउटा खुसीको कुरा आएको छ । आयुष्मान र प्रियंका फेरि एउटा चलचित्रको लागि अनुबन्धित भैसकेका छन् ।

आजभन्दा २ बर्ष अगाडि निर्माण भएको सुपरहिट चलचित्र राधा को सिक्वेलमा राधा २ बन्ने पक्का भएको छ । उक्त चलचत्रिको लािग नायिका प्रियंका कार्की अनुबन्धित भैसकेकी थिइन् भने उनको अपोजिटमा नायक आयुष्मान देशराज जोशी फाइनल भैसकेका छन् । यी रियल लाइफका जोडि रिल लायफमा पनि सँगै देखिने भएका छन् । चलचित्र राधा मा दर्शकले जीवन र सञ्चिताको जोडिलाई हेरेका थिए भने यसपटक राधा २ मा चाहिँ दर्शकले आयुष्मान र प्रियंकाको जोडिलाई देख्न पाउने भएका छन् ।