१४ असोज २०७५, काठमाडौं
शहिद स्मारक ए डिभिजन लिग अन्तर्गतको आज भएको खेलमा संकटा क्लबद्वारा सरस्वती युथ क्लब पराजित भएको छ ।
सातदोबाटोस्थित एन्फा कम्पलेक्समा भएको खेलमा संकटा क्लबद्वारा सरस्वती युथ क्लब १–० ले पराजित भएको हो । खेलको निर्धारित समयसम्म दुबै टिमको उपलब्धि शून्यमै सिमित थियो । तर, खेलको थप समयको ५ औं मिनेटमा लक्ष्मण रुचालको १ गोल नै संकटा क्लबलाई पर्याप्त भयो ।
लिगको पहिलो खेलमा शनिबार आर्मी क्लब र एआरटी समान अंक २–२ गोलमा रोकिएका थिए । खेलको विजेताले ५० लाख तथा उपविजेताले ३५ लाख पाउने छन् ।
