संखुवासभाका सूर्य कार्कीलाई फेसबुकले सम्मान गर्ने

१५ असोज २०७५, काठमाडौँ

Facebook Community Leadership Program 2018 अन्तर्गत फेसबुकले संखुवासभा जिल्लामा जन्मिएका सूर्य कार्कीलाई सामुदायिक शिक्षामा पुर्याएको योगदानको उच्च मूल्यांकन गर्दै सम्मान गर्ने भएको छ । कार्की हाल यूनाईटेड वल्ड स्कूल्स नेपालको को फाउण्डर,कन्ट्री डाइरेक्टर र दियालो फाउण्डेसनको फाउण्डरको माध्यमबाट सामाजिक कार्यमा सक्रिय छन् ।

देशको शिक्षा क्षेत्रमा नयाँ आयम स्थापित गर्न लागिपरेका कार्की विश्वभरीका ४६ मुलुकका ६ हजार आवेदनकर्ता बाट ११५ भित्र यस सम्मानका लागि छानिएका हुन्  । दक्षिण एसियाबाट कार्की यस सम्मानका लागि छानिने एक्ला नेपाली युवा हुन् । यसको घोषणा यहि सेप्टेम्बर २३ मा भएको थियो । सम्मान कार्यक्रम यहि अक्टोबर ८ देखि १२ ,क्यार्लिफोर्नियाको फेसबुकको हेडक्वाटरमा हुदैछ । उनी यस भन्दा अघि  सन् २०१७ मा फोब्स को ३० वर्ष मुनिका ३० उदयीमान युवा व्यवसायीको सूचिमा पर्न सफल भएका थिए ।

कार्की नेपालको विकट हिमाली जिल्ला संखुवासभामा जन्मिएर आफ्नो औपचारिक शिक्षा बुढानिलकण्ठमा आर्जन गर्दै विभिन्न अवसरहरु प्राप्त गर्दै गए । अर्थशास्त्र र ब्यवसायमा चिनको चिङवा विश्वविद्यालय (Tsinghua University ) बाट मास्टर गरेका सूर्य देशको अर्थतन्त्र तथा विकासमा पछिल्लो समय सक्रिय छन् ।

Link to facebook announcement made Sep 23:  https://newsroom.fb.com/…/introducing-the-facebook-communi…/Announcement on facebook: https://communities.fb.com/program-participants/surya-karki