चलचित्र छक्का पञ्जा ३ का कलाकारले गाए र्‍याप गीत : कलाकारहरु देखिए हिपहप ड्रेसमा

१६ असोज २०७५, काठमाडौँ

यसबर्षको बहुप्रतिक्षित चलचित्रको पहिलो नम्बरमा निर्देशक तथा हास्यँकलाकार दिपाश्री निरौलाद्धारा निर्देशित चलचित्र छक्का पञ्जा ३ आउँछ । छक्का पञ्जा आफैँमा सर्वाधिक सफल सिक्वेल हो । यसका कुनैपनि सिरिजहरु फ्लप भएका छैनन् । छ एकान छ बाट सुरु भएको यो चलचित्र छक्का पञ्जा २ सम्म निकै सफलतापूर्वक आएको छ । छक्का प१जा ३ पनि सुटिङ फ्लोरमा जानुभन्दा पहिले नै निकै चर्चामा रहेको थियो । हाल यो चलचित्र आफ्नो प्रदर्शनको अन्तिम चरणमा आइसकेको छ ।

हरेक बर्ष दशैँको अवसरमा रिलिज गरिने छक्का पञ्जाका सिरिजले यसपटक पनि चलचित्र प्रदर्शनको लागि दशैँको सुरुवाती दिन घटस्थापनालाई रोजेको छ । चलचित्रको पहिलो नम्बरमा बोलको गीत र ट्रेलरले अहिले चलचित्रको हाइप निकै बढाइरहेको छ । चलचित्रको प्रदर्शन मिति नजिकिदैँ गर्दा चलचित्रका कलाकारहरु दिनरात चलचित्रको प्रमोशनका लागि दौडिरहेका छन् ।

यस्तैमा चलचित्र छक्का पञ्जा ३ टिमले चलचित्र प्रमोशनको नयाँ उपाय खोजेको छ । चलचित्रको प्रदर्शनका लािग चलचित्रका मुख्य कलाकार जितु नेपाल, दिपकराज गिरी, केदार घिमिरे र चलचित्रकी निर्देशक दिपाश्री निरौला राजधानीमा र्‍याप अवतारमा हिडेका छन् । उनीहरुले चलचित्र छक्का पञ्जा ३ को र्‍याप गीत निकालेका छन् भने उक्त गीतमा चलचित्रका सबै कलाकारहरु र्याप ड्रेसमै देख्न सकिन्छ । निकै रमाइलो शैलीमा चलचित्र निर्माण टिम मिलेर उक्त गीत तयार पारेको छ ।जसमा चलचित्रका सबै मुख्य कलाकारको आवाज सुन्न सकिन्छ ।