सरोज र कविताको पहिलो म्यूजिक भिडियोको टिजर सार्वजनिक

१७ असोज २०७५, काठमाडौँ

नेपालको चर्चित डान्स रियालिटि शो बुगीवुगीकी विजेता कविता नेपालीको चर्चा दिनप्रतिदिन बढ्दै गएको छ । बुगीवुगी विजेता भएपछि जताततै उनको चर्चा चुलिएको छ । उनको म्यूजिक भिडियोमा निकै डिमाण्ड बढिरहेको छ ।उनले पहिलो नायक पल शाहसँग गरेको म्यूजिक भिडियो अहिले बजारमा एकदमै चर्चामा रहेको छ ।

पहिलो म्यूजिक भिडियो सफल भएप्छि अहिले उनले अरुपनि म्यूजिक भिडियोहरु गरिरहेकी छिन् । केहि सुटिङ हुने क्रममा छन् भने केहि गीतहरु रिलिज हुने क्रममा छन् । केहिदिन अगाडि मात्र कविताले बुगीवुगीकै सेकेण्ड रनर अप सरोज मोक्तानसँग एउटा म्यूजिक भिडियो खेलेकी छिन् । उक्त म्यूजिक भिडियोको अफिसियल टिजर सार्वजनिक भएको छ भने गीत केहि दिनमा रिलिज हुने तयारीमा छ । निकै डान्सिङ शैलीमा बनेको गीतमा सरोज र कविताले एकदमै दमदार नृत्य गरेका छन् ।