झक्कड थापाले खेलेकोे पहिलो छोटो चलचित्र युट्युबमा रिलिज

१७ असोज २०७५, काठमाडौँ

नेपाल आइडल सिजन १ मा आएर निकै चर्चा कमाउन सफल प्रतिस्पर्धीमध्येका एक हुन् झक्कड थापा । झक्कड थापाले नेपाल आइडलमा आएर धेरैको मनमा बस्न सफल भएका थिए । उनलाई दर्शकहरुले एक कमेडि प्रतिस्पर्धीको रुपमा हेरियो ।

झक्कड थापा नेपाल आइडल सिजन १ को अडिसनपछि हराएका थिए । सिजन २ सुरु भएसँगै एकपटक फेरि झक्कड थापाको चर्चा चुलिएको छ । उनी आजभोली मिडियामा खुब छाउन थालेका छन् । झक्कड थापा केहिसमय अघि नेपालको निकै चर्चित सिरियल भद्रगोलमा पनि देखिएका थिए । उनले भर्खरै मात्र दशैँसँग सम्बन्धित एक छोटो चलचित्र गरेका छन् । झक्कड पहिलो पटक छोटो चलचित्रमा देखिएका हुन् । उनले निकै राम्रो काम गरेका छन् । अहिले उनले गरेको छोटो चलचित्र युट्युबमा निकै हिट भैरहेको छ ।