बुगीवुगी विजेता कविता नेपालीको नयाँ म्यूजिक भिडियो सार्वजनिक

१८ असोज २०७५, काठमाडौँ

नेपालमा पहिलो पटक भित्रिएको अन्तराष्ट्रियस्तरको निकै चर्चित बुगी वुगीकी बिजेता बनेर सबैको मनमा बस्न सफल कविता नेपाली आजभोली निकै व्यस्त र चसर्चत बन्दै गइरहेकी छिन् । बुगीवुगीको विजेता बनेसँगै कविताको चर्चा पनि चुलिदैँ गएको हो । कविता नेपाली आजभोली म्यूजिक भिडियोहरुमा खुब छाउन थालेकी छिन् । उनले खेलेको पहिलो भिडियो यतिबेला युट्युबमा खुब रुचाइएको छ । हालै मात्र कविताले खेलेको नयाँ म्यूजिक भिडियो सार्वजनिक भएको छ ।

एकनारायण भण्डारीको शब्द संगीत रहेको लाली ओठैमा बोलको गीतमा टंक तिमल्सिनाको आवाज रहेको छ । उक्त गीतमा बुगी वुगी विजेता कविता नेपाली र टंक तिमल्सिनालाई नै फिचरिङ गराइएको छ । निकै रमाइलो शैलीको गीतमा कविताका दमदार अभिनय र डान्स देख्न सकिन्छ ।