१८ असोज २०७५, काठमाडौँ
नेपाल आइडल सिजन २ मा सबैभन्दा अनौठो गेटअपमा आएर सबैको मनमा बस्न प्रतियोगी हुन् सन्ध्या बुढा ( काउली बुढी ) । निकै मिठो स्वरकी धनी काउली बुढी थिएटर राउण्डबाट नै नेपाल आइडलबाट बाहिरिएकी थिइन् । तर उनको चर्चा यति धेरै भएको छ की अहिले उनी निकै व्यस्त र लोकप्रिय बन्दै गइरहेकी छिन् । काउली बुढीले नेपाल आइडलमा आउनुभन्दा अगाडि नै केहि लोक गीतहरु गाइसकेकी थिइन् । तर उनको डिमाण्ड अहिले जताततै बढेको छ । नेपालीहरुको महान चाड दशैँको अवसरमा काउली बुढिको दशैँको गीत भर्खरै सार्वजनिक भएको छ । उनले निकै मार्मिक गीत गाउकी छिन् ।
दनवीर दाहालको शब्द र रेन घर्ती मगरको संगीत रहेको गीतमा सन्ध्या बुढा ( काउली बुढी ) र अमित बाबु रोकायको आवाज रहेको छ । उक्त गीतमा दिलीप उपाध्याय, भुवन चौधरी, जुना गुरुङ र दिपिका बानियाँलाई फिचरिङ गराइएको छ । उक्त गीत दशैँको सन्दर्भमा गाइएको छ र निकै मार्मिक रहेको छ ।
