यस्तो बन्यो सरोज र कविताको पहिलो म्यूजिक भिडियो, देखिएको दुईजनाको सुहाएको जोडि

१८ असोज २०७५, काठमाडौँ

नेपालको चर्चित डान्स रियालिटि शो मा विजयी भई चर्चा कमाउन सफल प्रतियोगी कविता नेपाली आजभोली निकै व्यस्त र डिमाण्डेड बन्दै गईरहेकी छिन् । म्यूजिक भिडियोहरुमा उनको माग निकै बढ्न थालेको छ । भर्खरै मात्र कविता र बुगीवुगीमै गएर सेकेण्ड रनर अप बन्न सफल प्रतियोगी सरोज मोक्तानलाई फिचरिङ गराइएको आँखैमा बोलको गीत सार्वजनिक भएको छ ।

शान्तिप्रियको शब्द र दिपक शर्माको संगीत रहेको गीतमा बेनिशा पौडेलको आवाज रहेको छ । निकै डान्सिङ शैलीको गीतलाई सरोज आफैँले कोरियोग्राफी गरेका हुन् । यो गीतमा सरोज र कविताको खुब मिलेको जोडि देखिएको छ । यो गीतमा सरोज र कविताको दमदार डान्स देख्न सकिन्छ ।