यो साता ‘भद्रगोल’ मा देखिदैँ ‘छक्का पञ्जा ३’ टिम

१८ असोज २०७५, काठमाडौँ

नेपालमा केहि यस्ता टिभी सिरियलहरु छन् । जुन अत्याधिक मात्रामा सफल र चर्चित पनि भएका छन् । पहिले पहिले नेपाल टेलिभिजनबाट प्रशारण हुने तितो सत्य, जिरे खुर्सानी, मेरी बास्सैँ जस्ता सिरियलहरु निकै चर्चित थिए भने पछिल्लो समयमा आएर भद्रगोल सबैभन्दा चर्चित टिभी सिरियल बन्न सफल भएको छ ।

भद्रगोलका कलाकारको अभिनय देखि डाइलगहरु यतिबेला बजारमा निकै छाएका छन् । भद्रगोल निकै छोटो समयमा धेरै चर्चा कमाउन सफल सिरियल हो । भद्रगोलले आफ्नो सुरुवातदेखि नै हरेक हप्ता नयाँ कथा कमेडि रुपमा प्रस्तुत गर्ने गरेको छ । यस्तै बजारमा हाल चलचित्र छक्का पञ्जा ३ को निकै चर्चा चुलिरहेको छ । यतिबेला चलचित्र छक्का पञ्जा ३ टिम चलचित्रको प्रचारप्रसारका लाग भद्रगोल मा पुगेको छ ।

चलचित्र छक्का पञ्जा ३ की निर्देशक दीपाश्री निरौला पनि सिरियलबाटै चलचित्रमा प्रवेश गरेकी हुन् । उनीमात्र नभएर चलचित्र छक्का पञ्जा ३ का अधिकांश कलाकारहरु सिरियल हुँदै चलचित्रमा गएका हुन्  । यो साताको भद्रगोल प्रशारणमा दर्शकहरुले छक्का पञ्जा ३ टिमलाई पन देख्न पाउने भएको छ । लामो समयपछि फेरि एकचोटि सानो पर्दामा काम गर्न पाएकोमा चलचित्र छक्का पञ्जा ३ का कलाकारहरुले आफूलाई खुसी लागेको बताएका छन् । यसपटकको भद्रगोलको एपिसोड निकै रमाइलो हुने भएको छ ।