२१ असोज २०७५, काठमाडौं
जापानमा सम्पन्न हुने सन् २०२० को ओलम्पिक खेलका लागि एशिया छनौट खेल खेल्ने नेपाली महिला टोलीको घोषणा गरिएको छ । रेनुका अधिकारीको कप्तानीमा आईतबार एन्फाले २२ सदस्यीय टोलीको घोषणा गरेको हो । सो टोलीमा ५ नयाँ खेलाडी पनि समावेश गरिएको छ । अन्य १७ खेलाडी भने पुरानै रहेका बताईएको छ ।
एन्फाले प्रशिक्षणका लागि बोलाएको ४७ खेलाडीबाट अन्तिम २२ खेलाडीको टोली घोषणा गरेको हो । एन्फाले भाद्र पहिलो साताबाट सो प्रशिक्षण सुरु गरेको थियो । नेपाली टोलीले सोमबारबाट विशष क्लोज क्याम्प सुरु गर्नेछ । त्यसपछि तीन साता लामो क्लोज क्यामपछि नेपाली टोली चीन तर्फ जानेछ, त्यहाँ सो टोलीले २ अभ्यास खेल खेल्नेछ । एशिया कप छनौटको समुह सि मा म्यानमार, बंगलादेश र भारत रहेका छन् । नेपालले सो छनौट खेल ८ नोभेन्बर बाट सुरु गर्ने छ । ८ मा भारतसँग, ११ मा म्यानमारसँग र १३ मा बंगलादेशसँग खेल्ने नेपालले सबै खेल मैत्रीपुर्ण खेल खेल्नेछ ।
नेपाली टोलीमा गोलकिपर एन्जिला सुब्बा, रुपा राणामगर र लिला लाम्गाड, डिफेन्डरमा गिता राणा, कविता घिताल, पुनम मगर, मेनुका गिरी, अमृता जैसि, मनमाँया लिम्बु, हिरा कुमार, भुजेल र सञ्जना घर्ती, त्यस्तै मिडफिल्डरमा रेनुका नगरकोटी, दिपा राई, अनिता बस्नेत, गिता न्यौपाने, गिता अधिकारी, विमला चौधरी तथा इन्दिरा राई रहेका छन् ।
त्यसैगरि स्ट्राईकरमा अनिता केसी, सर्मिला थापा, निरु थापा र सावित्रा भण्डारी रहेका छन् । सो टोलीका मुख्य प्रशिक्षकमा हरी खड्का र प्रशिक्षक मृगेन्दै मिश्र रहेका छन् ।
