भुटानविरुद्ध पहिलो ब्याटिङ गर्दै नेपाल

२३ असोज २३, काठमाडौं

आईसिसि विश्व टी–ट्वान्टी एशिया छनौट अन्तर्गत आज नेपालले भुटानविरुद्ध पहिलो ब्याटिङ गर्दै छ ।

युकेएम वाईएसडी ओभलमा भुटानले टस जितेर फिल्डिङ रोजेपछि नेपालले सुरुवातमा ब्याटिङ गर्ने भएको हो । खेल केहि समयपछि सुरु हुनेछ । अघिल्ला तीन खेलमा जित निकालेको नेपालले चौथो खेलमा आज भुटानसंग खेल्ने भएको हो ।

छनोटमा नेपाल ३ खेलबाट ६ अंक जोडेर शीर्ष स्थानमा छ । यता, भुटान ३ खेलबाट २ अंक जोडेर पाँचौ स्थानमा छ ।नेपालले भुटानविरुद्ध अहिलेसम्म कुनैपनि खेल गुमाउनु परेको छैन । नेपालले भुटानविरुद्धको पाँच भेटमा चार जित निकालेको छ ।